10+ অসমীয়া ভাষাত চিঠি পত্ৰ আবেদন পত্ৰ লিখাৰ নিয়ম || 10+ Best Assamese Application Letter writing format

অসমীয়া ভাষাত চিঠি পত্ৰ কেনেকৈ লিখে (Assamese Application Letter writing format

আবেদন পত্ৰ বা চিঠি পত্ৰ আমাৰ জীৱনৰ বৰ্তমানো এক অতি জৰুৰী অংগ হয়। বৰ্তমানৰ technology ৰ দিন হলেও চিঠি পত্ৰৰ এক নিজস্ব বৈশিষ্ট আছে আৰু ইয়াৰ সহায়ত আমাৰ দৈনন্দিন জীৱনৰ বহু অফিচিয়েল কাম কাজ কৰিবলৈ সহজ হয়। বিদ্যালয়ৰ আবেদন পত্ৰ, পুলিচ থানাৰ এজাহাৰ, verification, বেংকৰ ঋণৰ আবেদন, পঞ্চায়তৰ বা বিধায়ক, সাংসদ আদিক ৰাস্তাৰ মেৰামতিৰ বাবে আবেদন আদি বহুতো আবেদন আমি নিতৌ লিখিব লাগে। সেয়েহে আমি আবেদন পত্ৰ বা চিঠি পত্ৰ লিখিবলৈ জনাটো আৰু সুন্দৰকৈ বিষয়বস্তু উপস্থাপন কৰাটো অতি জৰুৰী।

বহু যুগৰ পৰা চিঠি বা আবেদন পত্ৰ লিখি অহাৰ এটা পৰম্পৰা চলি আহিছে আৰু ইয়াক বৰ্তমান এটা বহু গুৰুত্বপূৰ্ণ বিষয় হিচাপে ধৰা হয়। বৰ্তমান সকলো চৰকাৰী বেচৰকাৰী প্ৰতিষ্ঠানৰ কামকাজত চিঠি পত্ৰৰ ব্যাপক ব্যবহাৰ দেখা যায়। যেনে চাকৰি সংক্ৰান্তত আবেদন, ছুটিৰ বাবে আবেদন, মন্ত্ৰী, বিধায়ক বা কোনো চৰকাৰী বিভাগলৈ আবেদন আদি বহু ক্ষেত্ৰত চিঠিপত্ৰ সহায় লব লাগে। এনেধৰণৰ পত্ৰ লিখোঁতে বহু ক্ষেত্ৰত আমি কি লিখিম, কি নিলিখিম আদি ভাব আহে। সকলো চিঠিপত্ৰ লিখাৰ কিছুমান নিৰ্দিষ্ট নিয়ম আৰু বিষয় (Assamese Application Letter writing format) থাকে। সেয়েহে প্ৰতিটো বিষয়ত চিঠি লিখোতে কিছুমান সাধাৰণ নীতি নিয়ম (Assamese Application Letter writing format) মানি চলা উচিত।তেনে কিছুমান সাধাৰণ নিয়ম তলত উল্লেখ কৰা হল।

✓সকলো চিঠিপত্ৰ লিখোঁতে সদায় মাৰ্জিত ভাষাত সহজ সৰল কৈ লিখিব লাগে।
✓পৰিষ্কাৰ আৰু শুদ্ধ বানানত লিখিব লাগে
✓চিঠি বা আবেদন লিখাৰ আগতে মূল বিষয়বোৰ মনতে বা আন এখন কাগজত টুকি লব লাগে যাতে মূল বিষয়বোৰ থাকি নাযায়।
✓চিঠিপত্ৰৰ অংগসজ্জা নিয়মবোৰ মানি চলি উপযুক্ত স্থানত চিঠিৰ অংগ বোৰ সন্নিবিষ্ট কৰিব লাগে
✓চিঠিপত্ৰ বোৰ সাধাৰণতে বিষয় অনুসৰি ভদ্ৰ, বিনয়ী ভাষাত আৰু উপযুক্ত সন্মান প্ৰদৰ্শন কৰি উপযুক্ত শব্দ ব্যৱহাৰ কৰি লিখিব লাগে।
✓চিঠিত স্পষ্ট কৈ দুয়োপক্ষৰে নাম, ঠিকনা আৰু যোগাযোগৰ নম্বৰ যথাস্থানত উল্লেখ কৰিব লাগে।
✓চিঠিপত্ৰ যদি উৰ্ধতম কৰ্তৃপক্ষ লৈ লিখা হয় তেন্তে সদায় উপযুক্ত সন্মান প্ৰদৰ্শন কৰি লিখিব লাগে।
✓চিঠি পত্রত সদায় তাৰিখ আৰু স্থান উল্লেখ কৰা উচিত।

ইয়াৰ উপৰিও আন বহুতো সৰু সৰু নিয়ম আছে। তলত কেইখনমান আবেদন পত্ৰৰ আৰ্হি আপোনালোকৰ সুবিধা হোৱাকৈ উল্লেখ কৰিছোঁ।

Assamese Application Letter writing format

Assamese Application Letter writing format

1. ব্যক্তিগত প্ৰতিষ্ঠানত চাকৰিৰ বাবে আবেদন (অভিজ্ঞতা সহ) (Assamese Application Letter writing format for apply job in private company)

প্ৰতি,
পৰিচালক মহোদয়
নিয়োগ বিভাগ(বিভাগৰ নাম উল্লেখ কৰিব)
__________ প্ৰতিষ্ঠান (প্ৰতিষ্ঠানৰ নাম উল্লেখ কৰিব)

বিষয়ঃচাকৰিৰ বাবে আবেদন

মহাশয়/মহাশয়া
যোৱা ইংৰাজী_______ তাৰিখৰ______ কাকতৰ বিজ্ঞাপনৰ পৰা আপােনাৰ/আপোনালোকৰ প্ৰতিষ্ঠানৰ _______ পদৰ বাবে এজন অভিজ্ঞ প্ৰাৰ্থীৰ আৱশ্যক বুলি জানিব পাৰি এই আবেদন পত্র প্রেৰণ কৰিলাে। মই উক্ত পদৰ বাবে উপযুক্ত বুলি ভাবি মোৰ প্ৰাৰ্থীত্ব আগবঢ়ালোঁ। যদি আপোনালোকে মোক উক্ত পদত নিযুক্তি প্ৰদান কৰে তেন্তে মই আপোনালোকৰ প্ৰতিষ্ঠানত অতি নিষ্ঠা সহকাৰে কাম কৰি আগুৱাই লৈ যাব পাৰিম বুলি মোৰ বিশ্বাস। মোৰ এই ক্ষেত্ৰত কাম কৰাৰ প্ৰায় তিনি বছৰৰ অভিজ্ঞতাৰ প্ৰমাণ পত্ৰ আৰু মোৰ শিক্ষাগত অৰ্হতাৰ প্ৰমাণপত্ৰ ইয়াৰ লগত সংলগ্ন কৰি দিয়া হৈছে।
মোৰ শিক্ষাগত অৰ্হতা ____ বিভাগৰ স্নাতক আৰু কম্পিউটাৰত ১বছৰৰ পোষ্ট গ্ৰেজুৱেট পাঠ্যক্ৰম সমাপ্ত কৰিলোঁ। বৰ্তমান এটা ব্যক্তিগত কোম্পানীত _____ বিভাগত কাম কৰাৰ তিনিবছৰ অভিজ্ঞতা আছে। সেই প্ৰতিষ্ঠানত মই অতি নিষ্ঠা সহকাৰে কাম কৰাৰ পাছত যথেষ্ট অভিজ্ঞতা অৰ্জন কৰিলোঁ আৰু সেই অভিজ্ঞতাৰ জৰিয়তে আপোনালোকৰ প্ৰতিষ্ঠানত মোৰ ফালৰ পৰা উৎকৃষ্ঠ সেৱা আগবঢ়াবলৈ সক্ষম হম বুলি বিশ্বাস আছে।
অনুগ্ৰহ কৰি আপোনালোকৰ মতামত জনাই তলত উল্লেখ কৰা ফোন নম্বৰত যোগাযোগ কৰি সাক্ষাৎকাৰৰ তাৰিখ আৰু সময় জনাই যেন। আপােনালােকৰ মতামত অতি সােনকালে জনাব বুলি আশা ৰাখিছোঁ।
ধন্যবাদ।
আপােনাৰ/আপোনালােকৰ বিশ্বাসী
নাম
ফোন নম্বৰ
তাৰিখ

Assamese Application Letter writing format

2. স্কুলৰ অনুষ্ঠানত মুখ্য অতিথিৰ বাবে মন্ত্ৰী/বিধায়ক অনুৰোধ জনাই লিখা পত্র। (Assamese Application Letter writing format for invitation to Minister/MLA/MP)

প্রতি
মাননীয় মন্ত্রী/ বিধায়ক মহোদয়
_________ সমষ্টি
অসম চৰকাৰ
দিছপুৰ

বিষয়ঃস্কুলৰ অনুষ্ঠানত মুখ্য অতিথিৰ অনুৰোধ

মাননীয় মহাশয়,
সন্মান সহকাৰে আপোনাক জনাব পায় সুখী হৈছো যে অহা ইং_________তাৰিখৰ পৰা ______তাৰিখলৈ আমাৰ বিদ্যালয়ৰ ৰূপালী জয়ন্তী বৰ্ষ প্ৰতিষ্ঠা দিৱস, তিনিদিনীয়া কাৰ্যসূচীৰে উদযাপন কৰাৰ কাৰ্যসূচী হাতত লোৱা হৈছে। এই তিনিদিনীয়া কাৰ্যসূচীত বিভিন্ন প্ৰতিযোগিতা মূলক অনুষ্ঠান অনুষ্ঠিত কৰাৰ উপৰিও সাংস্কৃতিক অনুষ্ঠান পৰিবেশন কৰা হব। তৃতীয় দিনাৰ কাৰ্যসূচী অনুসৰি মুকলি সভা অনুষ্ঠিত কৰা হৈছে । মুকলি সভা কাৰ্যসূচীত আপোনাক মুখ্য অতিথি হিচাপে ৰূপালী জয়ন্তী উদযাপন সমিতিৰ জৰিয়তে আমন্ত্ৰণ জনোৱা হল। আশা কৰোঁ আপোনাৰ বহুমূলীয়া সময়ৰ পৰা কিছু সময় উলিয়াই আমাৰ মুকলি সভা অনুষ্ঠানত মুখ্য অতিথি হিচাপে উপস্থিত থাকি কণ কণ ছাত্ৰ ছাত্ৰীৰ লগতে আমাক কৃতাৰ্থ কৰে যেন।
শেষত আমাৰ অনুৰোধ ৰক্ষা কৰি আমাৰ মাজত উপস্থিত হব বুলি আশা কৰিলোঁ।
ধন্যবাদ।

আপোনাৰ বিশ্বাসী
ৰূপালী জয়ন্তী উদযাপন সমিতিৰ হৈ
সভাপতি সম্পাদক

3. অফিচৰ কর্তৃপক্ষলৈ দিয়া পদত্যাগ পত্ৰ (Assamese Application Letter writing format for resign from job)

প্ৰতি
মাননীয় পৰিচালক মহোদয়
_____________প্ৰতিষ্ঠান
বিষয়ঃপদত্যাগ পত্ৰ
মহাশয়,

বিনীত নিবেদন এই যে, মােৰ কিছুমান এৰাব নােৱাৰা পাৰিবাৰিক কাৰণত মই মােৰ বর্তমান চাকৰি এৰিবলৈ বাধ্য হৈছাে। গতিকে মোক মোৰ কর্তব্যৰ পৰা অব্যাহতি দিবৰ কাৰণে অনুৰোধ জনালাে।
গতিকে মহোদয়ে মোক এই মাহৰ দৰমহাৰ লগতে মই পাবলগীয়া সকলো বিলাক ভৱিষ্যত নিধিৰ ধন অহা ____ তাৰিখৰ ভিতৰত মুকলি কৰি দিবলৈ অনুৰোধ জনালোঁ।
ধন্যবাদ
আপোনাৰ বিশ্বাসী
নাম

4. চাকৰি এঠাইৰ পৰা আন ঠাইলৈ বদলিৰ কাৰণে কৰা আবেদন পত্র। (Assamese Application Letter writing format for transfer)

প্ৰতি
মাননীয়/ মাননীয়া
পার্চনেল মুভমেন্ট বিভাগ (হেড অফিচ)
আঞ্চলিক প্ৰবন্ধকৰ জৰিয়তে
বিষয়ঃ __________ স্থানলৈ স্থানান্তকৰণ
মহাশয়,
সন্মান সহকাৰে আপোনাক জনাব বিচাৰো যে মই শ্ৰী/শ্ৰীমতী _______ এজন ________ পদৰ কৰ্মচাৰী হিচাপে _____ শাখাত সেৱা আগবঢ়াই আহিছোঁ। যোৱা ইং ________ তাৰিখে মোৰ তথা আমাৰ পৰিয়ালটো স্থায়ীভাৱে _________ অঞ্চলত থাকিবৰ বাবে ব্যবস্থা কৰা হল। মোৰ পৰিয়ালৰ সকলো সদস্য বৰ্তমান নতুনকৈ সজা স্থায়ী ঘৰটোত বাস কৰি আছে। সেয়েহে মহোদয়ক অনুৰোধ জনাওঁ যে আমাৰ বিভাগৰ ________ অঞ্চলৰ কাৰ্যালয়ত মোৰ চাকৰিটো স্থানান্তৰিত কৰি মোৰ তথা মোৰ পৰিয়ালক উপকৃত কৰি দিয়ে যেন।
ধন্যবাদ।
আপােনাৰ বিশ্বাসী শ্ৰী/ শ্ৰীমতী

5.ব্যক্তিগত প্ৰতিষ্ঠানত চাকৰিৰ কাৰণে আবেদন (Assamese Application Letter writing format to apply for job in private company) Assamese job application বা চাকৰিৰ আবেদন

প্রতি,
মাননীয় পৰিচালক মহাশয়/ মহাশয়া
____________ প্ৰতিস্থান
বিষয়ঃচাকৰিৰ কাৰণে আবেদন
মহাশয়/মহাশয়া

বিশ্বস্তসূত্রে জানিব পাৰিছাে যে আপােনালোকে আপােনালােকৰ অফিচত _______ পদৰ বাবে নিযুক্ত কৰিব বিচাৰিছে। মই উক্ত পদৰ বাবে আবেদন কৰিব খুজিছাে। মই বৰ্তমান স্নাতক শিক্ষা সমাপ্ত কৰি চাকৰিৰ বাবে সুযোগ বিচাৰি আছোঁ। মােৰ বয়স ___ বছৰ, স্বাস্থ্য ভাল আৰু কঠোৰ শ্রম কৰিবলৈ সক্ষম। মই নিশ্চিত যে অতি কম সময়ৰ ভিতৰতে মােৰ শ্রম আৰু নিষ্ঠাৰে আপােনালােকক সন্তুষ্ট কৰিব পাৰিম আৰু প্ৰতিষ্ঠান টো আগবঢ়াই লৈ যাবলৈ পাৰিম। মই মোৰ বায় ডাটা আৰু শিক্ষাগত অৰ্হতাৰ প্ৰমাণপত্ৰ ইয়াৰ লগত সংলগ্ন কৰি দিছোঁ।
উক্ত পদত মােক নিয়ােগ কৰিবৰ কাৰণে আপােনাৰ ওচৰত সবিনয়ে আবেদন জনালাে।
আপােনাৰ বিশ্বাসী
নাম

6. বিদ্যালয়ত সন্তান অনুপস্থিত থকাৰ বাবে ছুটী মঞ্জুৰৰ আবেদন। (Assamese Application Letter writing format for grant leave)

প্ৰতি
মাননীয় প্রধান শিক্ষক/প্রধান শিক্ষয়িত্রী মহোদয়/ মহোদয়া
______________ বিদ্যালয়
বিষয়ঃছুটী মঞ্জুৰৰ আবেদন
মহোদয়/ মহোদয়া

বিনীত নিবেদন এই যে, মােৰ পুত্র/কন্যা শ্ৰীমান/ শ্ৰীমতী__________ ক/খ শাখাৰ ছাত্র/ছাত্রী, ক্রমিক নং______আপােনাৰ বিদ্যালয়ত অসুস্থতাৰ কাৰণে যোৱা ইং _____ তাৰিখৰ পৰা তাৰিখলৈ শ্রেণীত উপস্থিত থাকিব নােবাৰিলে।
সেয়েহে মহােদয়ক/মহােদয়াক অনুৰোধ জনাও যে, উক্ত দিনবােৰৰ বাবে ছুটী মঞ্জুৰ কৰে যেন।
আপােনাৰ বিশ্বাসী
নাম
ঠিকনা

7. চৰিত্ৰ প্রমাণপত্র বিচাৰি কৰা আবেদন পত্র (Assamese Application Letter writing format to Head teacher/principal)

প্ৰতি
প্রধান শিক্ষক/শিক্ষয়ত্রী
________ বিদ্যালয়
বিষয়ঃ চৰিত্ৰ প্রমাণপত্র বিচাৰি কৰা আবেদন পত্র
মহোদয়/ মহোদয়া

বিনীত নিবেদন এই যে মই আপােনাৰ বিদ্যালয়ৰ প্রাক্তন ছাত্র/ছাত্রী। মই যোৱা ______ চনত হাইস্কুল শিক্ষান্ত পৰীক্ষাত এই বিদ্যালয়ৰ পৰা প্ৰথম বিভাগত সুখ্যাতিৰে উত্তীর্ণ হৈছিলাে। ইয়াৰ বাহিৰেও মই বিদ্যালয়ৰ অন্যান্য খেল ধেমালিত, সাংস্কৃতিক কাৰ্যসূচী ত অংশ গ্রহণ কৰিছিলাে‌ বর্তমান মই ______ কলেজত ______ বিভাগত পঢ়ি আছাে। সম্প্রতি চাকৰীৰ আবেদন কৰাৰ বাবে মোক চৰিত্ৰ প্ৰমাণ পত্ৰ এখনৰ প্ৰয়োজন হৈছে।
আশাকৰো অতি সােনকালে মােক উক্ত প্রমাণ পত্রখন প্রদান কৰি বাধিত কৰিব।
আপােনাৰ বিশ্বাসী

8. স্থানীয় বিধায়ক/সংসদৰ ওচৰত পকী ৰাস্তা নিৰ্মাণৰ আবেদন। (Assamese Application Letter writing format to local MLA MP)

প্রতি
মাননীয় বিধায়ক/ সাংসদ মহোদয়
__________ বিধান সভা/ লোকসভা সমষ্টি

বিষয়ঃ পকী ৰাস্তা নিৰ্মাণৰ আবেদন

মহাশয়,
প্ৰথমতে _______ অঞ্চল বাসী ৰাইজৰ হৈ অলপতে হৈ যোৱা বিধান সভা/ লোকসভা নিৰ্বাচনত আপুনি বিজয়ী হোৱাত আন্তৰিক অভিনন্দন জনালোঁ। এই পত্ৰৰ দ্বাৰা আপোনক আমাৰ অঞ্চলৰ এটা বহুদিনীয়া সমস্যা দৃষ্টি আকর্ষণ কৰিব বিচাৰিছাে। আমাৰ অঞ্চলটো বহুদিনৰ পৰাই চৰকাৰৰ উন্নয়নমূলক আঁচনি পৰা বঞ্চিত হৈ আহিছে । আমি প্ৰতিটো নিৰ্বাচনত ভোট দান কৰি আহিছোঁ যদিও ৰাইজৰ দ্বাৰা নিৰ্বাচিত জনপ্রতিনিধি সকলে আমাৰ অঞ্চলৰ অতি গুৰুত্বপূৰ্ণ আৰু একমাত্ৰ পথটো বৰ্তমানেও পকী কৰাৰ ব্যৱস্থা নকৰিলে। ইয়াৰ ফলত স্থানীয় ৰাইজে বাৰিষা কালত চহৰলৈ যাবলৈ, স্কুল, কলেজ, বজাৰত যাবলৈ অশেষ কষ্ট সমস্যাৰ সন্মুখীন হৈছে। ৰাস্তাত বৃহৎ বৃহৎ গাঁত সৃষ্টি হোৱাৰ ফলত বহু সময়ত দুৰ্ঘটনা সংঘটিত হৈ আহিছে। গতিকে আপোনাক মূল ঘাইপথৰ পৰা আমাৰ গাঁৱলৈ সোমাই যোৱা পথটো পকীকৰণৰ ব্যৱস্থা কৰিবলৈ টানি অনুৰোধ জনালোঁ।
গতিকে আমাৰ অঞ্চলটোৰ ৰাইজৰ এটা দীৰ্ঘদিনীয়া সমস্যা সমাধান কৰিব বুলি আশা ৰাখিলোঁ।
ধন্যবাদ

______ বাসী ৰাইজৰ হৈ

তাৰিখ

9. নিজৰ অঞ্চলৰ পকী ৰাস্তা নিৰ্মাণৰ আবেদন বাবে চিঠি (Assamese Application Letter writing format to Gaon Panchayat)

প্ৰতি
সভাপতি/সম্পাদক
___________ গাওঁ পঞ্চায়ত
বিষয়ঃ পকী ৰাস্তা নিৰ্মাণৰ আবেদন
সভাপতি/ সম্পাদক ডাঙৰীয়া,

আমাৰ ________ অঞ্চলৰ বাসিন্দাসকলৰ পক্ষৰ পৰা প্ৰথমতে সাদৰ সম্ভাষণ গ্ৰহণ কৰিব। আপোনাক আমাৰ অঞ্চলৰ এটা অতি গুৰুত্বপূৰ্ণ সমস্যা দৃষ্টিগোচৰ কৰিব বিচাৰিছোঁ। আমাৰ অঞ্চলৰ পৰা ৰাষ্ট্ৰীয় ঘাইপথ লৈ যোৱা ৰাস্তা টো পকী নোহোৱাৰ বাবে গাঁৱৰ অধিবাসীসকলে খুবেই কষ্ট ভােগ কৰিব লগা হয়। আমাৰ গাঁৱৰ পৰা সম্পূৰ্ণ ৰাস্তাত কেৱল শিল দিয়া আছে কিন্তু বাৰিষা কালত তাত সৃষ্টি হোৱা বৃহৎ বৃহৎ গাঁতবোৰত পানী জমা হোৱাৰ বাবে ছাত্ৰ ছাত্ৰী, ব্যৱসায়ী আদি লোকৰ যাতায়তৰ ক্ষেত্ৰত যথেষ্ট সমস্যাৰ সন্মুখীন হৈছে।
সেয়েহে আমি _____ অঞ্চলবাসী ৰাইজে আপােনাক অনুৰােধ কৰো যে, আপুনি আপােনাৰ ঊৰ্ধতম কৰ্তৃপক্ষক অৱগত কৰে যাতে সংশ্লিষ্ট কর্তৃপক্ষ্ই তৎপৰ হৈ বিশেষ ব্যৱস্থা গ্রহণ কৰি পথটো পকীকৰন কৰে যেন।
ধন্যবাদ।
আপােনাৰ বিশ্বাসী

10. জন্মৰ প্রমাণ পত্রৰ বাবে পৌৰনিগমৰ/ চিকিৎসালয় কৰ্তৃপক্ষৰ ওচৰত আবেদন। (Assamese Application Letter writing format to Municipality Board)

প্ৰতি,
মাননীয় জন্ম পঞ্জীয়ক
পৌৰ নিগম/ চিকিৎসালয় কৰ্তৃপক্ষ
বিষয়ঃ জন্মৰ প্রমাণ পত্রৰ বাবে আবেদন
মহাশয়,

যথাবিহিত সম্মানপূর্বক নিবেদন এই যে, মােৰ পুত্র/পুত্ৰী শ্রীমান/ শ্ৰীমতী__________ যোৱা ______ তাৰিখে এই চহৰৰ _____ অঞ্চলত জন্ম গ্রহণ কৰে। সেই মতে সেই সময়ত তাৰ জন্ম আপােনালােকৰ কাৰ্য্যলয়ত নথিভূক্ত কৰা হয়। এতিয়া তাক স্কুলত ভর্তি কৰিব লগা হােৱা বাবে জন্মৰ প্রমাণ পত্রৰ আৱশ্যক হৈছে।
সেয়েহে মহোদয়ৰ ওচৰত মােৰ অনুৰোধ, অনুগ্রহ কৰি তাৰ জন্মৰ প্রমাণ পত্রখন দিয়ে যেন।।
আশা কৰাে, মােৰ প্রয়ােজনৰ কথা বিবেচনা কৰি অবিলম্বে প্রয়ােজনীয় ব্যবস্থা গ্রহণ কৰিব। ধন্যবাদ
আপােনাৰ বিশ্বাসী

আবেদনকাৰীৰ ঠিকনা

১১)চাকৰিত যোগদান সন্দৰ্ভত (Assamese Application Letter writing format for Job joining report)

প্ৰতি,
মাননীয়/মাননীয়া (বিভাগৰ মুখ্য বিষয়াৰ পদৰ নাম আৰু ঠিকনা যালৈ পঠিয়াব লাগে)
মাননীয় (যোগদান কৰা কাৰ্যালয়ৰ মুখ্য বিষয়াৰ পদৰ নাম) যোগেদি
বিষয়: চাকৰিত/পদত যোগদান সন্দৰ্ভত
মহোদয়/মহোদয়া
সন্মান সহকাৰে আপোনাৰ জ্ঞাতাৰ্থে জনাব বিচাৰো যে memo no ___________ আদেশ অনুসৰি________(বিভাগৰ নাম) বিভাগৰ দ্বাৰা মোক ______ (কাৰ্যালয়ৰ নাম) _______(পদৰ মন) পদত নিযুক্তি দিছে। উক্ত আদেশ অনুসৰি আজি ইং______(তাৰিখ) তাৰিখে পুৱা __(সময়) বজাত কামত যোগদান কৰা হয়।
ইতি
মহোদয়ৰ/মহোদয়াৰ বিশ্বাসী

১২) সাংস্কৃতিক সন্ধিয়াৰ আয়োজনৰ অনুমতি বিচাৰি পুলিচ কৰ্তৃপক্ষৰ ওচৰলৈ চিঠি ( application for police permission)

প্রতি,
মাননীয় ভাৰপ্ৰাপ্ত আৰক্ষী বিষয়া
_________থানা (থানাৰ নাম)
__________জিলা
মহাশয়,
আপোনাক অৱগত কৰিব বিচাৰো যে অহা ইং ২০ জুন ২০২২ তাৰিখে ______ গাওঁত _______ ক্লাবৰ উদ্যোগত দিনজোৰা কাৰ্য্য সূচীৰে কলাগুৰু বিষ্ণুপ্ৰসাদ ৰাভা স্মৃতিত “ৰাভা দিৱস” উদযাপনৰ যোজা কৰা হৈছে। সেয়েহে উক্ত কাৰ্য সূচী অনুসৰি দিনত বিভিন্ন প্ৰতিযোগিতা আৰু সন্ধিয়ালৈ সাংস্কৃতিক সন্ধিয়াৰ আয়োজন কৰা হৈছে। এই অনুষ্ঠান পুৱা ৯ বজাত আৰম্ভ হৈ ৰাতি বাৰ বজাৰ ভিতৰত শেষ হব। সেয়েহে আমাৰ এই অনুষ্ঠান সুকলমে অনুষ্ঠিত কৰিবলৈ _____ ক্লাবৰ হৈ নিম্ন লিখিত ব্যক্তিসকলে আপোনাৰ সু দিহা পৰামৰ্শ আৰু অনুমতি বিছাৰি আৱেদন জনালোঁ।
আশাকৰোঁ আমাক “ৰাভা দিৱস” আৰু সাংস্কৃতিক সন্ধিয়াৰ অনুষ্ঠান আয়োজন কৰিবলৈ অনুমতি প্ৰদান কৰি কৃতাৰ্থ কৰে যেন।
ধন্যবাদ।
বিনীত
( নামসমূহ)
তাৰিখ –
ঠিকনা

১৩) হেৰোৱা Mobile Phone উদ্ধাৰৰ বাবে পুলিচ কৰ্তৃপক্ষলৈ এজাহাৰ পত্ৰ (application for police FIR) Police FIR in Assamese বা এজাহাৰ

প্রতি,
মাননীয় ভাৰপ্ৰাপ্ত আৰক্ষী বিষয়া
_______ আৰক্ষী থানা, ______ জিলা
তাৰিখ : ________
বিষয় : এজাহাৰ
মহাশয়,
ইয়াৰ দ্বাৰা আপোনাক জনাওঁ যে আজি ইং _______ তাৰিখে ________ চহৰৰ _______ পথত মোৰ ব্যক্তিগত মবাইল ফোনত কথা পাতি ৰাস্তাত খোজ কাঢ়ি গৈ থাকোতে পাছফালৰ পৰা এখন কলা ৰঙৰ বাইকত অহা দুজন অচিনাক্ত ব্যক্তিয়ে মোৰ ______ কোম্পানীৰ, _____ মডেলৰ, ______ ৰঙৰ মবাইল ফোন আৰু ফোনত থকা __________ (মবাইল নং) চিমৰ সৈতে লুট কৰি লৈ যায়। সেয়েহে মহোদয়ে উক্ত কাৰ্যত জৰিত ব্যক্তি সকলক চিনাক্ত কৰি মোৰ হেৰোৱা Mobile Phone টো উদ্ধাৰ কৰি দিবলৈ অনুৰোধ জনালোঁ।
গতিকে মহোদয়ে সমগ্র বিষয়টোৰ উচিত তদন্ত কৰি মোক ন্যায় প্ৰদান কৰে যেন।
ধন্যবাদ সহকাৰে
বিনীত
(নিজৰ নাম)
ঠিকনা
যোগাযোগ নং

ওপৰৰ লিখনি কেনে লাগিল তলত comment কৰিব।