আন হাজাৰজন নতুন প্ৰজন্মৰ যুৱক যুৱতীৰ দৰে ৰাজা নামৰ এজন যুৱকে এজন সফল ইউটিউবাৰ হোৱাৰ সপোন দেখিছিল। তেওঁ প্ৰতিদিনে ঘণ্টাৰ পিছত ঘণ্টা ধৰি কন্টেন্ট তৈয়াৰ কৰিছিল, ভিডিঅ’ সম্পাদনা কৰিছিল আৰু ছ’চিয়েল মিডিয়াত নিজৰ চেনেলৰ প্ৰচাৰৰ চেষ্টা কৰিছিল। মুঠতে প্রতি মূহুৰ্তত চেনেলটোয়ে যাতে অধিক প্ৰসাৰ লাভ কৰে দিন ৰাতি এক কৰি দিছিল।
ৰাজাৰ কন্টেন্ট ইউটিউবত আপলোড কৰি গৈছিল। কিন্তু তেওঁ কি বিষয়ত ভিডিঅ’ বনাব এই ক্ষেত্ৰত নিশ্চিত নাছিল সেয়েহে এদিন তেওঁ নিজৰ প্ৰিয় ভিডিঅ’ গেমৰ বিষয়ে এটা ভিডিঅ’ পোষ্ট কৰিছিল, পিছদিনা তেওঁ কমেডী ভিডিঅ’ত হাত দিছিল, আৰু তাৰ পিছত তেওঁ নিজৰ ব্যক্তিগত জীৱন কাহিনী শ্বেয়াৰ কৰাৰ চেষ্টা কৰিছিল। তেওঁৰ চেষ্টাৰ পিছতো তেওঁৰ চেনেলটোৱে বিচৰা ধৰণে subscriber আৰু views পোৱা নাছিল।
সময়ৰ লগে লগে ৰাজা ক্ৰমান্বয়ে হতাশ হৈ পৰিল। তেওঁ বুজিব পৰা নাছিল যে তেওঁৰ ভিডিঅ’বোৰে কিয় বেছি ভিউ পোৱা নাই বা কিয় বেছি চাবস্ক্ৰাইবাৰ লাভ কৰা নাই। তেওঁ নিজকে আন ইউটিউবাৰৰ লগত তুলনা কৰিবলৈ ধৰিলে আৰু অনুভৱ কৰিলে যে তেওঁ আন ইউটিউবাৰ দৰে talent নাই। তেঁও নিজকে লৈ হতাশ হব ধৰিলে আৰু বন্ধুৰ লগতো বৰ বেছি মিলামিছা কৰিব বাদ দিলে ।
সফলতা নোপোৱাৰ পিছতো ৰাজাই নিজৰ সপোনক এৰি দিবলৈ অস্বীকাৰ কৰিলে। ভিডিঅ’ বনাই থাকিল, তেওঁ নিজকে সান্তনা দিলে যে এনেদৰে লাগি থাকিলে এটা হলেও ভিডিঅ’ ভাইৰেল হব আৰু সফল হব। মাত্ৰ সেই ক্ষনলৈ অপেক্ষা কৰি থাকিল। আন সফল youtuber ৰ বিষয়ে অধ্যয়ন কৰিলে আৰু তেওঁলোকে দিয়া Tips বোৰ follow কৰি ভিডিঅ’ আপলোড কৰিলে। এনে কৰাৰ পাছতো বৰ বেছি সফল হব নোৱাৰিলে।
মাহবোৰ বছৰলৈ পৰিণত হ’ল আৰু ৰাজাৰ চেনেলটোৱে কেতিয়াও কোনো উল্লেখযোগ্য Subscriber আৰু Views লাভ কৰা নাছিল। তেওঁ চাইছিল যে তেওঁৰ নিজৰ দৰেই কন্টেন্ট থকা বা তেওঁত কৈ নিম্নমানৰ Content থকা আন ইউটিউবাৰসকলে হাজাৰ হাজাৰ চাবস্ক্ৰাইবাৰ লাভ কৰিছিল আৰু তেওঁ ঈৰ্ষা আৰু তিক্ত অনুভৱ নকৰাকৈ থাকিব নোৱাৰিলে।
কিছু মাহৰ পিছত ৰাজাই উপলব্ধি কৰিলে যে এজন সফল ইউটিউবাৰ হোৱাৰ সপোনে তেওঁৰ জীৱনটো গ্ৰাস কৰি পেলাইছে। এই সপোনৰ পম খেদি থাকোঁতে জীৱনৰ আন আন ক্ষেত্ৰ যেনে বন্ধুত্ব, ব্যক্তিগত সম্পৰ্ক আৰু নিজৰ মানসিক স্বাস্থ্যক অৱহেলা কৰিছিল, হয়তো কেতিয়াও বাস্তৱ নোহোৱা সপোন এটাক মৰীচিকাৰ দৰে দেখিছিল।
অৱশেষত ৰাজাই ইউটিউবৰ পৰা আঁতৰি আহি আন কামত মনোনিৱেশ কৰাৰ সিদ্ধান্ত ল’লে। কঠিন সিদ্ধান্ত আছিল যদিও তেওঁ জানিছিল যে সেইটো তেওঁৰ বাবে উপযুক্ত সিদ্ধান্ত। তেওঁ নতুন আগ্ৰহ আৰু চখৰ সন্ধান কৰিবলৈ আৰম্ভ কৰিলে, আৰু শেষত এটা নতুন ব্যৱসায় আৰম্ভ কৰিলে। অতি কম পুঁজিৰে এখন food Cart আৰম্ভ কৰিলে। এই কামত তেওঁ অতি কম দিনতে ৰাইজৰ পৰা বহুত ভাল সঁহাৰি পালে। এই সফলতাত ৰাজাই এক অনাবিল আত্মসন্তুষ্টি বিচাৰি পালে যিটো তেওঁ ভিডিঅ’ নিৰ্মাণ কৰাতকৈও অধিক আনন্দ লাভ কৰিছিল। লগতে প্ৰতিদিনে নতুন গ্ৰাহক, নতুন বন্ধু আৰু ব্যৱসায়িক সফলতাই নিজকে পুনৰ মানসিক ভাৱে আৰু আৰ্থিক ভাৱে প্ৰতিষ্ঠা কৰিবলৈ সক্ষম হৈছিল।
বছৰ বছৰ পিছত ৰাজাই ইউটিউবাৰ হোৱাৰ ব্যৰ্থ প্ৰচেষ্টাটোলৈ উভতি চালে আৰু কৃতজ্ঞতাৰ ভাৱ এটাৰে নিজকে বুজি উঠিলে। যদিও তেওঁ আশা কৰা সফলতা লাভ কৰিব নোৱাৰিলে, তথাপিও তেওঁ বুজি উঠিছিল যে নিজকে আনৰ লগত তুলনা কৰিব নালাগে। সকলোয়ে সকলো কামত সফল হব নোৱাৰে আৰু সকলোৱে নিজৰ নিদিষ্ট কৰ্মক্ষেত্ৰতহে জিলিকি থাকিব।
